Vizual me Arbnorin – Vizual Academy

Bëhu ekspert/e në Revit me Arbnorin

Kush është Arbnori?

Kam kënaqësinë të ndaj me ju përvojën time 7-vjeçare në përdorimin e Revit-it si arkitekt. Eksperienca ime ne perdorimin e tij përfshinë afërsisht 4 vite në Kosovë dhe 3 vite në tregun global.
Ky softuer ka shërbyer si një pikë kthese në karrierën time, duke më ndihmuar të ndërtoj bazat e forta të profesionit dhe të integrohem shpejt në tregun global.
Revit është shumë më tepër sesa një mjet modelimi 3D; ai është një sistem i tërë që revolucionarizon mënyrën se si projektojmë, bashkëpunojmë dhe dorëzojmë projekte. Falë tij, kam qenë pjesë e projekteve te ndryshme ndërkombëtare dhe kam pasur privilegjin të bashkëpunoj me ekipe globale që operojnë në standardet më të larta të industrisë se ndërtimit.
Aftësia për të krijuar modele 3 dimensionale dhe për të shtypur dokumentacion të saktë ka qenë çelësi i suksesit tim në një treg kaq konkurrues.
Përmes Revit, kam pasur mundësinë të aplikoj konceptet e avancuara të BIM (Building Information Modeling), duke kontribuar jo vetëm në krijimin e dizajneve të bukura, por edhe në efikasitetin e projekteve te ndryshme. Revit ka qenë një mjet i pazëvendësueshëm që më ka ndihmuar të jem i pranueshëm dhe i vlerësuar në disa nga kompanitë më prestigjioze globale, duke më mundësuar të thyej kufijtë e tregut lokal dhe të ndërtoj një karrierë ndërkombëtare.
Nëse jeni arkitekt, inxhinier ose profesionist tjetër i ndërtimit dhe dëshironi të përmirësoni aftësitë tuaja, unë ju inkurajoj fuqishëm ta provoni Revit. Jo vetëm që do të mësoni një mjet të fuqishëm, por do të fitoni një përparësi konkurruese që mund t’ju ndihmojë të hapni dyert drejt mundësive të mëdha.
Mendoj se investimi në teknologjitë e avancuara si Revit është një nga vendimet më të mira që mund të merrni për të ardhmen tuaj profesionale, sidomos nëse nuk dëshironi të kufizoheni vetëm në tregun lokal. Botës i duhen profesionistë të aftë dhe të përgatitur për sfidat globale – dhe Revit është një hap i madh drejt këtij qëllimi!

Arch. Arbnor Halili

BIM Expert

Reviti ofron mundësi të mëdha për ata që janë të interesuar të zhvillojnë një karrierë në fushën e ndërtesave dhe arkitekturës, duke siguruar një platformë të përshtatshme për t’u specializuar në teknologjinë e BIM-it dhe për të pasur mundësinë për t’u përshtatur me trendet globale të industrisë së ndërtimit.